قصة للتخلص من سوسة النخيل بالنباتات العطرية

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

بخصوص موسم انتاج الرطب حبيت اكتب هالموضوع ...بعض الاخوان ماقصروا و كتبوا مواضيع عن سوسة النخيل و الحشرات الثانيه و طريقة علاجها

حبيت اقولهم هالقصه من عند الوالد و ان شاء الله تستفيدون


مره من المرات يالس اسقي الشجر و لا وقفت عند نخله خلاص الي يلمسها بصبعه بتطيح من كثر ما لعب فيها السوس و طرت عند الوالد الله يطول بعمره لانه عنده النخل كأنه واحد من عياله وقلت له (( يابوي النخله الفلانيه السوس ما بقى فيها شي)) طار الوالد وقالي (( ياولدي هات جدر عود)) وسرت جبتله و فتح الكبت ماله الي يحتفظ فيها بادويته الشعبيه طلع نبتتين الاولى
هي نبات الزعتر.
والثاني نبات اسمه خيييل و ريحته تجتل الواحد عاد مادري شو يسمونها نحن انسميه خييل و متوفر بمحلات الي يبيعون الاعشاب.

المهم حط الزعتر و الخيل و ملح مع الماي بالجدر العود و فوق النار لين ماقام يغلي عاد الموقع استوى كانها ساحت حرب كيماويه من قوة ريحت الخيل المهم يوم خلصنا سار الوالد و جب الماي من فوق النخل لين تحت
.. فاقلت للوالد هاي خلاص رايحه رايحه قالي اسبوع و شوف النتيجه.

فعلا عقب اسبوع النخله ولاكأنه فيها شي لا وتحتها عقب يومين من هالعمليه الحشرات انواع واشكال ميته جنب النخل ..
اتصدقون يا جماعه عقب فتره ظهرت هالنخله من احسن النخل الي بالبيت يعني ماشاء الله رطب و طول اللهم لا حسد بعد ماكانت بنسمة هوا بتطيح.

فسبحان الله هالمكونات لافيها مضر من ريحه ولا شي و مايكلفك 20 درهم

على فكره هذا نبات الخيل يستخدم في علاجات طبيه كثيره لقوة ريحته

فحبيت اجيبلكم قصه صارت معاي و ان شاء الله تستفيدون

ورجاءا الي ابوه او يده يعلم اي حد شي يخبرنا لانه والله مفيد اكثر عن الكتب والاشياء الثانيه وسرعة نجاحه

والسمووووووووووو وووووحه